தினப்படி ஆராதனைகளும், சித்திரை, ஆடி, கார்த்திகை, தை மாதங்களின் கடைசி செவ்வாய் இரவு புதன் அதிகாலையில் நடக்கும் நான்கு கப்பரை பூஜைகளும், இங்கு கோயில் கொண்டுள்ள குமாரசுவாமிக்கு வைகாசி விசாகத்தில் காவடி திருவிழாவும், தைப்பூசத்தில் சுவாமி நதிக்கு எழுந்தருளி தீர்த்தம் கொடுப்பதும், ஒவ்வொரு மாத கிருத்திகையிலும் கோயிலின் நான்கு வீதிகளிலும் சுவாமி புறப்பாடும், விஷேசமாக நடைபெறும். அங்கு கோயில் கொண்டுள்ள ஆஞ்சநேயருக்கு ஒவ்வொரு அமாவாசையிலும் ஆராதனையும், அன்னதானமும், நடைபெறுவதோடு அனுமந் ஜெயந்தியில் சிறப்பாக பூஜைகள் நடைபெறும்.